praticalingua


Associu praticalingua - Carrughju Sant'Ànghjuli - praticalingua@gmail.com - 07 86 38 36 36

CUMUNITÀ PRATICALINGUA

NATALE di PRATICALINGUA - 21/12/2016 | Praticalingua

Dui ricordi di a vìsita à u Museu di Bastia è di a serata festiva ind'è noi. Ci campa è ci canta a lingua ! Grazie mille à Pasquale Renucci per sti belli ritratti. À ringrazià à tutte è tutti voi è tante felicititazioni à a "sguatra paghjella" !

Praticalingua festighjeghja à Natale - 13/12/2016 | Praticalingua

Da ringrazià i nostr'aderenti ma aperta à tutte è tutti, l'associu Praticalingua v'invita à festighjà Natale in antìcipu, stu sàbatu 17 dicembre. À u prugramma : vìsita cursòfuna di a mostra CORSICA GENOVESE à u Museu di Bastia à trè ore è serata festiva à u lucale di l'associu à pàrtesi da 6 ore...

Inaugurazione di u lucale di l'associu - 16 settembre 2016 - 17/09/2016 | Praticalingua

Qualchì ritrattu di stu mumentu impurtante per noi tutti. Hè natu Praticalingua è ci campa a lingua nustrale. À ringrazià à tutte è tutti : partenarii, eletti, membri, amichi, parenti è tutti voi chì fate chì st'associu esisti : i nostri carissimi aderenti.

APERTURA DI U LUCALE, INAUGURAZIONE, CUNFIRMAZIONE DI E SCRIZZIONE - 03/09/2016 | Praticalingua

Eccu ! Ci simu !   Prima di tuttu, vi vulemu ringrazià da u fondu di u core per a cunfidenza chè vo ci avete accurdatu cù a vostra pre-scrizzione. Mille grazie à voi tutti !   Hè cun tant'è tanta emuzione eppo dinù cun assai intusiasimu chè no vultemu versu voi, cum'è cunvenutu, per davvi...

Serata APIAZZETTA - COMPRUinCORSU - PRATICALINGUA (artìculu conturesu apiazzetta.com) - 10/07/2016 | Praticalingua

E trè strutture si sò assuciate per pruponevi una serata. Era in Patrimoniu, u 9 di lugliu scorsu. Hè l'occasione per noi di ringrazià tutti quelli chì sò venuti à passà un mumentu è chì ci anu aiutatu. Praticalingua  hà da prupone corsi di corsu è attività in immersione à partesi da a...

Serata A PIAZZETTA - COMPRUinCORSU - PRATICALINGUA u 9 di lugliu in Patrimoniu - 30/06/2016 | Praticalingua

Una serata nustrale in Patrimoniu à l'iniziativa cumuna di u giurnale è blog A PIAZZETTA, a piattaforma di ricensu di cummerci cursòfuni COMPRUinCORSU è di u nostru associu. L'occasione di sente o favvi una viulinata, d'impaghjellà o di chjachjarà...in corsu è cù un vichjerucciu in manu. Hè...

Stonda ragiunata - Festa di a lingua corsa - Sax Caffè - 30/06/2016 | Praticalingua

Ghjovi u 9 di ghjugnu, à l'iniziativa di a Merrìa di Bastia, emu presentatu a nostra andatura à u publicu, à u Sax Caffè in Bastia. Cun l'eletti, militanti culturali, attori impegnati indè a prumuzione di u corsu, publicu, pre-scritti à l'associu, a nostra sguatra hà circatu di mustrà cum'è...
1 2



QUALE SIMU ?

Praticalingua hè di più chè un locu induve si ampara u corsu. Pudete seguità una furmazione di lingua corsa o in lingua corsa (segondu l’attelli) ma, al di là, ci truvate a ghjente, ci tuccate un bichjeru o ci biite un caffè in un spaziu assestatu apposta. Pudete vene dinù à prufittà di un spaziu bibbiuteca. Hè un locu 100% cursòfunu induve vo pudete stà à sente, dumandà rinsignamenti o cunsigli è soprattuttu mèttevi à parlà corsu à u vostru rìtimu. 




QUALE PÒ VENE ?

Ind’è noi, ci vènenu :

Ghjente d’ogni età : ciucci, adulescenti è adulti.

Ghjente chì scòprenu a lingua.

Ghjente chì anu bisognu di ripiglià cunfidenza per parlà corsu è chì ghjùnghjenu per francà u passu è parlà più vulenteri.

Ghjente chì u corsu u pàrlanu benìssimu è chì ghjùnghjenu à amparà affari artìstichi, culturali o patrimuniali è à sparte u so sapè.

Ind’è noi, ci vènenu ghjente chì vòlenu praticà a so lingua è sparte una stonda d’amicizia, o passà da u parlà à u fà !




Induve simu ?

U nostru lucale si trova indè u Cunventu Sant'Ànghjuli, daretu à u Palazzu di Ghjustizia.



Seguìtaci nant'à Twitter

è nant'à Facebook