praticalingua

Associu praticalingua - Carrughju Sant'Ànghjuli - praticalingua@gmail.com - 07 88 16 51 35

E regule di a SCOPA






E REGULE

Si ghjoca in 2 o in 4 (sguatre di 2) cù un pacchettu di 36 carti.

E CARTE 


L’Assu (vale 1), u Trè (3), u Quattru (4), u Cinque (5), u Sei (6), u Sette (7).
U Sbiru (8), a Donna (9), u Rè (10).

Si distribuiscenu 3 carte à ghjucadore, po 4 sò girate à mezu à u tavulinu.

I ghjucadori devenu pruvà ognunu à so tornu à fà un piegu (coglie ciò chì ci hè à mezu), cù una sola carta, una o parechje carte di u tappettu chì u so valore o i so valori addiziunati sò pari.  Cusì un “7” piglia un ”3” è un “4”, o un “6” è un Assu, ma dinù un altru “7”. Simu ubligati di piglià a carta uguale piuttostu chè di piglià una somma sè e duie suluzione sò pussibule (un “7” deve piglià un “7” piutostu chì un “4” è un “3”.)

Sè un ghjucadore ùn pò o ùn vole micca (per strategia) coglie carte, ne deve pone una di a so scelta trà e soie, è passà u so giru.
Quandu i ghjucadori anu ghjucatu e so carte, si ne distribuiscenu trè altre, po duie.
Quandu ùn ci hè più carte, l’ultimu ghjucadore (sguatra) chì hà fattu un piegu, coglie ciò chì ferma nantu à u tappettu. Dopu, si contanu i punti inde i pieghi rializati.

 

I PUNTI

I vincidori sò quelli chì ghjunghjenu i primi à 21 punti cù un scartu di 2 punti (o si nò si cuntinueghja).

A Scopa” : durante a partita, quellu chì coglie tutte e carte di u tappettu cù un piegu face “SCOPA” è marca 1 puntu. Dopu à una scopa, u ghjucadore seguente deve pone una carta annantu à u tappettu è passa u so giru. 
In più di i punti fatti cù e “SCOPE”, sò distribuiti 4 punti à a fine d’una

manata. 

E Carte” : quelli chì anu coltu u più carte marcanu 1 puntu

I Danari” : quelli chì anu coltu u più danari (carreaux) marcanu 1 puntu

u Settebellu” : quelli chì anu coltu u 7 di danaru marcanu 1 puntu

a Primera” : quelli chì anu u più 7 marcanu 1 puntu. S’elli sò pari, si scumparte cù i 6, è s’elli sò pari anch’elli, cù l’Assi. Se l’Assi dinù sò pari u puntu ùn hè micca datu.

 




Ind'a listessa rubricca
< >

Ghjovi u 16 di Maghju 2019 - 15:29 CUNCORSU DI MORRA

Dumenica u 31 di Marzu 2019 - 15:43 CUNCORSU DI SCOPA

 



QUALE SIMU ?

Praticalingua hè di più chè un locu induve si ampara u corsu. Pudete seguità una furmazione di lingua corsa o in lingua corsa (segondu l’attelli) ma, al di là, ci truvate a ghjente, ci tuccate un bichjeru o ci biite un caffè in un spaziu assestatu apposta. Pudete vene dinù à prufittà di un spaziu bibbiuteca. Hè un locu 100% cursòfunu induve vo pudete stà à sente, dumandà rinsignamenti o cunsigli è soprattuttu mèttevi à parlà corsu à u vostru rìtimu. 




QUALE PÒ VENE ?

Ind’è noi, ci vènenu :

Ghjente d’ogni età : ciucci, adulescenti è adulti.

Ghjente chì scòprenu a lingua.

Ghjente chì anu bisognu di ripiglià cunfidenza per parlà corsu è chì ghjùnghjenu per francà u passu è parlà più vulenteri.

Ghjente chì u corsu u pàrlanu benìssimu è chì ghjùnghjenu à amparà affari artìstichi, culturali o patrimuniali è à sparte u so sapè.

Ind’è noi, ci vènenu ghjente chì vòlenu praticà a so lingua è sparte una stonda d’amicizia, o passà da u parlà à u fà !




Induve simu ?

U nostru lucale si trova indè u Cunventu Sant'Ànghjuli, daretu à u Palazzu di Ghjustizia.



Seguìtaci nant'à Twitter

è nant'à Facebook