FURMAZIONE PRUPOSTE 2017-2018


Rédigé le Marti u 30 di Ghjenaghju 2018 à 09:42 | Lu 597 commentaire(s)


Lampate un ochju à e nostre furmazione è fate a vostra scelta !


FURMAZIONE PRUPOSTE 2017-2018

LINGUA D'OGNI GHJORNU

Si tratta di dà e base di cumunicazione sèmplice chì permèttenu, in pocu tempu, di pudè parlà corsu ogni ghjornu : in caffè, à u travagliu, in famiglia o cun l’amichi. Si travaglia nant’à situazioni specìfiche è cuncrete da acquistà riflessi di cumunicazione in lingua corsa è accresce u tempu di cumunicazione in corsu à fil’di ghjorni. Si scòprenu o si tòrnanu à vede e base grammaticale, a cunghjucazione è u vucabulariu chì ci vole per francà u passu è mèttesi, da veru, à parlà corsu in a vita di tutti i ghjorni. 

Furmadori :
Ghjuvanniviu CASALTA (livellu principianti - LUNI da 17.30 à 18.30)
Lisandru de ZERBI (livellu mezanu - LUNI da 17.30 à 18.30 è MARTI da 17.30 à 18.30)

LINGUA CASANA

Cum’è per u corsu di LINGUA D’OGNI GHJORNU, l’ogettivu hè di scopre è/o turnà à vede e base di cumunicazione in i cuntesti precisi è cuncreti. Ind’è st’attellu, circhemu, in più, di dà i mezi à i stazianti di cumunicà in casa cù i zitelli, in un travagliu cumunu cù l’attellu di SVEGLIU LINGUÌSTICU. Hè un attellu chì permette dinù à i parenti chì i so figlioli sò scritti in e filiere bislingue, di pudè seguitalli è aiutalli quant’elli vòlenu. 

Furmadori :
Ghjuvanniviu CASALTA (livellu principianti - LUNI da 18.30 à 19.30)
Ghjuvanfrancescu MATTEI (livellu mezanu MERCURI da 16 à 17)

DISCURSATA LIBERA & PRUDUZZIONE (lingua d'ogni ghjornu ANNATA 2nda)

Dopu fatta a prima annata di furmazione in lingua d’ogni ghjornu. Ci vole à avviassi versu un antru livellu : a discursata lìbera è a pruduzzione. A discursata lìbera per andà al di là di u cutitianu, è a pruduzzione perchè hè una manera efficace per mette in u cuncretu ciò chì si vede in furmazione.

Furmadore : 
Lisandru de ZERBI (LUNI da 18.30 à 19.30 è MARTI da 18.30 à 19.30)
FURMAZIONE PRUPOSTE 2017-2018

ARTE DI U RACONTU

Vi piaceria à sapè cuntà fole, legende o puru stalvatoghji ? Assestà è organizà bè u vostru racontu ? Acquistà u vucabulariu, e fòrmule o e spressioni chì fàcenu d’una sturietta una stonda in viaghju. S’ampara dunque à cuntà, ma si và dinù à scopre i raconti di a tradizione literaria corsa (Grossu Minutu, e fole di Martinu Appinzapalu è cetera).

Furmadore :
Ghjiseppu TURCHINI (Livellu cunfirmati è locutori autonomi, VENNARI da 17.30 à 18.30)
FURMAZIONE PRUPOSTE 2017-2018

RICERCA & PRUDUZZIONE SCRITTA

Hè in i fatti, l’annata 2 di l’attellu LINGUA D’OGNI GHJORNU di annu passatu per i cunfirmati. Si franca u passu cumpunendu è pruducendu nant’à tante temàtiche per sbuccà nant’à una publicazione in fine di furmazione. Participate à nutrisce a nostra santa filetta ! Diventate l'autori corsi di dumane !

Furmadore :
Ghjiseppu TURCHINI (Livellu cunfirmati è locutori autonomi, VENNARI da 18.30 à 19.30)
FURMAZIONE PRUPOSTE 2017-2018

FURMAZIONE PRUPOSTE 2017-2018

STORIA, CULTURA & ATTUALITÀ

St’attellu s’addirizza à ghjente mezane à cunfirmate. Si tratta di scopre a storia, a cultura è u patrimoniu corsu è di u Mediterraniu. À di le volte, si face una rivista d’attualità o si scambia ingiru à ciò chì si passa in Còrsica. U furmadore porta un sugettu chì vene scurticatu da ellu cù u sguardu di i stazianti. Da un’antra parte, sò l’aderenti chì, ognunu à so tornu, pòrtanu un sugettu ch’elli scèglienu è presèntanu à l’altri. Si face infine una publicazione annuale di u travagliu fattu in gruppu. 

Furmadori (MERCURI da 18 à 19) :
Paul TURCHI DURIANI
Rumanu GIORGI

PATRIMONIU BASTIACCIU

L’attellu di cultura è patrimoniu di Bastia hà per scopu di ciuttà l’aderenti in l’embiu di a nostra cità : lingua propia, pìccula è grande Storia, cultura, usi è tradizione, stalvatoghji è raconti pupulari. Hè un attellu induve u staziante hà da scopre tant’aspetti patrimuniali di Bastia è avvizzassi dinù à l’adopru di a lingua corsa. Ogni tantu, pìcculi punti di grammàtica sò visti dinù, da offre à u pùblicu una furmazione glubale.

Da sapè chì l'attellu hè offertu à tutte è tutti !

Furmadore :
Georges de ZERBI (Marti da 17.30 à 18.30)
FURMAZIONE PRUPOSTE 2017-2018

CANTU

L’attellu di CANTU s’addirizza à tutte è tutti, da l’adulescenti à l’adulti. Si sà, u cantu hè un arnese pedagògicu tremendu chì permette - cù u piacè in più – di vede tant’aspetti di a lingua è di a cultura. I grandi successi, e nuvità, e canzone cunnisciute o micca, sò manere di praticà u corsu è di fassi piacè ! S’ampara quì à piazzà a so voce, cantà in rìtimu è à parechje voce, è si migliureghja a so pràtica linguìstica. Un inCantu !

Furmadore :
Ghjuvanfrancescu MATTEI (GHJOVI, da 17.30 à 18.30)
FURMAZIONE PRUPOSTE 2017-2018

PULIFUNIA

In u listessu spìritu chè l’attellu di CANTU, l’attellu PULIFUNÌA s’addirizza à tutte è tutti, da l’adulescenti à l’adulti. Paghjelle, terzetti, canti tradiziunali prufani è canti sacri, amparate quì à manighjà u cantu à parechje voce. Sè vo sunniate di cantà a paghjella, hè questu quì l’attellu chì vi ci vole ! 

Furmadore :
Lurenzu FILIPPI (MARTI da 18.30 à 19.30)
FURMAZIONE PRUPOSTE 2017-2018

GHITARRA

Hè un’iniziazione à a ghitarra, per ghjente chì vòlenu amparà à sunà è chì sò principianti. Amparate quì à manighjà e base musicale è tècniche chì vi ci vuleranu per sapè sunà. Quì dinù, à tempu à l’amparera di a ghitarra, amparate è/o migliurate u vostru corsu senza penseru è di manera naturale

Furmadore :
Ghjuvanfrancescu MATTEI (GHJOVI da 18.30 à 19.30)
FURMAZIONE PRUPOSTE 2017-2018

TEATRU

U teatru hè una meraviglia : si scòprenu o si tòrnanu à vede òpere mìtiche di modu attivu. Da un’antra parte, u nostru Teatru nustrale corsu hà pruduttu è pruduce sempre pezze di qualità chì permèttenu di migliurà a prununzia di u corsu, a memoria è a cumunicazione in pùblicu à chì prateca a raprisentazione teatrale. Ci hè da campassi è da scopre in sè, capacità à ghjucà a cumèdia o u drama. Si travaglia a tecnica (voce, spressione curpurale, memoria…) è ci si piglia piacè ! 

Furmadore :
Henri Olmeta (MERCURI da 18.30 à 20 è GHJOVI da 18.30 à 20)
FURMAZIONE PRUPOSTE 2017-2018

INGLESE

Attellu d’iniziazione à a discursata in inglese per principianti è intermerdiarii cun ducumenti scritti, filmetti è canzone. Hè un attellu induve tuttu ciò chì ùn hè dettu in inglese, hè dettu in lingua corsa, chì diventa, di modu naturale, a lingua chì permette a capiscitura.

Hè dinù un’apertura à u mondu anglòfunu, come along ! 

Furmadore :
Mathieu GRAZIANI (MERCURI da 18 à 20, una volta à quindecina)
FURMAZIONE PRUPOSTE 2017-2018

FURMAZIONE PRUPOSTE 2017-2018

SVEGLIU LINGUISTICU

Per i ciucci da 3 à 12 anni, u SVEGLIU LINGUÌSTICU hè un’ora 100% in lingua corsa induv’elli sò in creazione : puesia, dissegnu, cantu è cumunicazione di basa. Quist’annu, hè prevista a realizazione di una publicazione chì ferà vede u travagliu di l’annata cun sòsule di cucina, ghjochi, canzone è creazione artìstiche. Hè una stonda induv’elli s’incòntranu i ciucci trà d’elli è, si spera, l’occasione di fà nasce amicizie di zitellina, arradicate à a nostra lingua !

Furmatrice :
Andrea SUSINI
Aude NICOLAI
Saveria de ZERBI


MERCURI da 16 à 17 (3 à 6 anni) è da 17 à 18 (7 à 12 anni)

FURMAZIONE PRUPOSTE 2017-2018



Ind\'a listessa rubricca
< >

Luni u 3 di Sittembre 2018 - 14:33 Catàlugu di furmazione 2018 - 2019

Venari u 1mu di Sittembre 2017 - 08:46 Cumu riesce a so furmazione ?


Praticalingua, hè assai di più chè una furmazione

Praticalingua, hè assai di più chè una furmazione


Seguìtaci nant'à Twitter
PRATICALINGUA : RT @FTViaStella: #linguacorsa C’est l’heure de la rentrée à @praticalingua pour apprendre le corse en immersion à #Bastia https://t.co/jf…
Marti u 25 di Sittembre - 14:05
PRATICALINGUA : RT @FTViaStella: #LinguaCorsa U Nutiziale passa da 7 à 10 minuti da u luni à u venneri 7ore57 di sera nantu à @FTViaStella https://t.co/jiS…
Luni u 17 di Sittembre - 21:32
PRATICALINGUA : @GhjilormuP @jmblanquer U ritiru di l’agregazione hè ben intesu un scàndalu è una discriminazione fatta à a materia… https://t.co/mTnvj6xZoK
Sàbatu u 15 di Sittembre - 10:13

è nant'à Facebook

Induve simu

U nostru lucale si trova indè u Cunventu Sant'Ànghjuli, daretu à u Palazzu di Ghjustizia.