praticalingua

Associu praticalingua - Carrughju Sant'Ànghjuli - praticalingua@gmail.com - 07 88 16 51 35

I CIUCCI






SVEGLIU LINGUISTICU

Per i ciucci da 3 à 8 anni, l’attellu di SVEGLIU LINGUÌSTICU prupone attività lùdiche (dissegnu, pittura, puesia, scenette, ghjochi…) in lingua nustrae, da favurizà a capiscitura è a spressione, orale.
 
 Furmatrice : Andrea Susini è Saveria de Zerbi
 
...

CANTU

Attellu dedicatu à u cantu corsu per i ciucci, maschji è fèmine, à pàrtesi da 8 anni.
 
Spetàculu in fine d’annata !
 
 Furmadore : Tumasgiu Pasquali
 
...

TEATRU

Quant’è chì per l’adulti, a pràtica teatrale hè l’occasione di un spannamentu di a persunalità, d’acquistu di cunfidenza in sè è d’abitùdine à a presa di parolla in pùblicu.
Fà ghjucà a cumèdia à i zitelli hè una manera piacente è fattiva di trasmètteli a lingua corsa, di discità u so gustu per l’òpere d’arte è di letteratura, di stuzzicà a so curiusità è d’àpreli à u mondu.
 
À pàrtesi da 8 anni.
 
Furmadore : Henri Olmeta
 
...



Ind'a listessa rubricca
< >

Màrcuri u 20 di Farraghju 2019 - 16:39 CORSI DI LINGUA

Màrcuri u 20 di Farraghju 2019 - 16:57 IMMERSIVI MUSICALI

Màrcuri u 20 di Farraghju 2019 - 16:49 IMMERSIVI PATRIMUNIALI




QUALE SIMU ?

Praticalingua hè di più chè un locu induve si ampara u corsu. Pudete seguità una furmazione di lingua corsa o in lingua corsa (segondu l’attelli) ma, al di là, ci truvate a ghjente, ci tuccate un bichjeru o ci biite un caffè in un spaziu assestatu apposta. Pudete vene dinù à prufittà di un spaziu bibbiuteca. Hè un locu 100% cursòfunu induve vo pudete stà à sente, dumandà rinsignamenti o cunsigli è soprattuttu mèttevi à parlà corsu à u vostru rìtimu. 




QUALE PÒ VENE ?

Ind’è noi, ci vènenu :

Ghjente d’ogni età : ciucci, adulescenti è adulti.

Ghjente chì scòprenu a lingua.

Ghjente chì anu bisognu di ripiglià cunfidenza per parlà corsu è chì ghjùnghjenu per francà u passu è parlà più vulenteri.

Ghjente chì u corsu u pàrlanu benìssimu è chì ghjùnghjenu à amparà affari artìstichi, culturali o patrimuniali è à sparte u so sapè.

Ind’è noi, ci vènenu ghjente chì vòlenu praticà a so lingua è sparte una stonda d’amicizia, o passà da u parlà à u fà !




Induve simu ?

U nostru lucale si trova indè u Cunventu Sant'Ànghjuli, daretu à u Palazzu di Ghjustizia.



Seguìtaci nant'à Twitter

è nant'à Facebook