IMMERSIVI ARTISTICHI

Una furmazione teòrica accuppiata à una surtita, da ritratta, cù l’esigenze di a fottografìa prufessiunale, u fiore di a nostra cità di Bastia. Ammaistrà u fondu, u quatru, u culore, u negr’è biancu, u cuntrastu, a luminusità, è sapè accuncià i ritratti nant’à i lugiziali dedicati : hè tuttu què l’ogettivu di st’attellu.
  
Furmadore : Pascal Renucci
 

U teatru hè una meraviglia : si scòprenu o si tòrnanu à vede òpere mìtiche di modu attivu. Da un’antra parte, u nostru Teatru nustrale corsu hà pruduttu è pruduce sempre pezze di qualità chì permèttenu di migliurà a prununzia di u corsu, a memoria è a cumunicazione in pùblicu à chì prateca a raprisentazione teatrale.
 
Si travaglia a tecnica (voce, spressione curpurale, memoria…) è ci si piglia piacè. Raprisentazione in fine d’annata !
 
Furmadore : Henri Olmeta
 

Vi hè data quì a pussibilità di furmavvi à l’arte di a pittura. Qualessu sia u vostru livellu, si cerca, aiutatu da u furmadore, à amparà è mette in pràtica e tècniche fundamentale chì permèttenu a spressione artìstica di a pittura.
 
 Furmadore : Jean-François Gandon