praticalingua


Associu praticalingua - Carrughju Sant'Ànghjuli - praticalingua@gmail.com - 07 88 16 51 35

MEDIA

Corsica Sera speziale LINGUA CORSA 14/06/2019 - 22/06/2019 | Praticalingua

Emu avutu u piacè d'esse invitati cun Brandon Andreani (Cusì - Scrivimu a nostra lingua) da Via Stella per un Corsica Sera sanu sanu in lingua nustrale. Bilanci è strategie... À ringrazià à Sébastien Tieri è tutta a sguatra !

Intervista di Kaoutar Harchi per a restituzione 2019 di Praticalingua - 08/06/2019 | Praticalingua

A scrittrice è sociòluga francese Kaoutar Harchi era a nostra invitata per u dibattitu di fine d'annata. Conta à Corse-Matin u so parcorsu è dà un'analisi di i prucessi di duminazione è minurazione trà lingue/literature stabbilite è quelle minurate.

Prima realizazione per u prugettu GIUVENTÙ - 01/06/2019 | Praticalingua

Riportu di a Via Stella nant'à i primi risultati di u prugettu GIUVENTÙ. Cun ViTO Corsica è l'AS Furiani Agliani, inauguremu una strategia di diffusione massiccia di a lingua corsa al di là ma dinù in cumplementu di a scola.

AGORA - 14/10/2018 - 15/11/2018 | Praticalingua

Ritruvateci quì in l'emissione AGORA nant'à Fr3 Via Stella

Francufunìa, lingua corsa è plurilinguìsimu - 08/10/2018 | Praticalingua

Podcast di l'emissione "Dimanche, et après ?" nant'à France Culture, induv'è no simu intervenuti u 07/10/2018
1 2 3 4 5



QUALE SIMU ?

Praticalingua hè di più chè un locu induve si ampara u corsu. Pudete seguità una furmazione di lingua corsa o in lingua corsa (segondu l’attelli) ma, al di là, ci truvate a ghjente, ci tuccate un bichjeru o ci biite un caffè in un spaziu assestatu apposta. Pudete vene dinù à prufittà di un spaziu bibbiuteca. Hè un locu 100% cursòfunu induve vo pudete stà à sente, dumandà rinsignamenti o cunsigli è soprattuttu mèttevi à parlà corsu à u vostru rìtimu. 




QUALE PÒ VENE ?

Ind’è noi, ci vènenu :

Ghjente d’ogni età : ciucci, adulescenti è adulti.

Ghjente chì scòprenu a lingua.

Ghjente chì anu bisognu di ripiglià cunfidenza per parlà corsu è chì ghjùnghjenu per francà u passu è parlà più vulenteri.

Ghjente chì u corsu u pàrlanu benìssimu è chì ghjùnghjenu à amparà affari artìstichi, culturali o patrimuniali è à sparte u so sapè.

Ind’è noi, ci vènenu ghjente chì vòlenu praticà a so lingua è sparte una stonda d’amicizia, o passà da u parlà à u fà !




Induve simu ?

U nostru lucale si trova indè u Cunventu Sant'Ànghjuli, daretu à u Palazzu di Ghjustizia.



Seguìtaci nant'à Twitter

è nant'à Facebook