praticalingua


Associu praticalingua - Carrughju Sant'Ànghjuli - praticalingua@gmail.com - 07 88 16 51 35

MEDIA

Praticalingua participerà à a Festa di a Lingua Corsa 2018 in Bastia - 16/05/2018 | Praticalingua

Lanciu di duie settimane dedicate à a nostra lingua. Organizata da a Cità di Bastia, ci ritruveremu longu à sti quìndeci ghjorni.

Praticalingua incontra à Hervé Morin - 06/05/2018 | Praticalingua

Nant'à dumanda di Hervé Morin, anzianu Ministru di a Difesa, attuale Presidente di a Regione Nurmandia è di l'associu di i cunsigli regiunali francesi, è in u quatru di a so vìsita in Corsica sti 3 è 4 di maghju, emu parlatu di u nostru impegnu. L'amparera è a pràtica in immersione puderianu esse...

Visita di Macron in Corsica : Gilles Simeoni spiega a prublematica LCC è parla di Praticalingua nant'à Public Sénat - 06/02/2018 | Praticalingua

U Presidente di u Cunsigliu Esecutivu ammenta à Praticalingua è sviluppa l'argumenti à favore di a cuuffizialità.

Riportu BFMTV nant'à a lingua corsa è Praticalingua (05-02-2018) - 06/02/2018 | Praticalingua

Riportu d'Yves Couant per BFMTV à a vigilia di a venuta di Macron in Corsica.

Inchiesta Via Stella "Que reste-t-il de la langue corse ?" (01-2018) - 25/01/2018 | Praticalingua

Riportu pertinente di Petru Simonpoli per u magazinu INCHIESTA nant'à Via Stella. A nostra mudesta cuntribuzione nentru...

Riportu RTS - dicembre 2017 - 14/12/2017 | Praticalingua

Riportu di RTS nant'à l'interessu puliticu di a lingua, cun frà altru, Praticalingua

Riportu France 5 C'est dans l'air - 13/12/2017 | Praticalingua

Riportu di France 5 per l'emissione C dans l'air
1 2 3 4



QUALE SIMU ?

Praticalingua hè di più chè un locu induve si ampara u corsu. Pudete seguità una furmazione di lingua corsa o in lingua corsa (segondu l’attelli) ma, al di là, ci truvate a ghjente, ci tuccate un bichjeru o ci biite un caffè in un spaziu assestatu apposta. Pudete vene dinù à prufittà di un spaziu bibbiuteca. Hè un locu 100% cursòfunu induve vo pudete stà à sente, dumandà rinsignamenti o cunsigli è soprattuttu mèttevi à parlà corsu à u vostru rìtimu. 




QUALE PÒ VENE ?

Ind’è noi, ci vènenu :

Ghjente d’ogni età : ciucci, adulescenti è adulti.

Ghjente chì scòprenu a lingua.

Ghjente chì anu bisognu di ripiglià cunfidenza per parlà corsu è chì ghjùnghjenu per francà u passu è parlà più vulenteri.

Ghjente chì u corsu u pàrlanu benìssimu è chì ghjùnghjenu à amparà affari artìstichi, culturali o patrimuniali è à sparte u so sapè.

Ind’è noi, ci vènenu ghjente chì vòlenu praticà a so lingua è sparte una stonda d’amicizia, o passà da u parlà à u fà !




Induve simu ?

U nostru lucale si trova indè u Cunventu Sant'Ànghjuli, daretu à u Palazzu di Ghjustizia.



Seguìtaci nant'à Twitter

è nant'à Facebook