praticalingua


Associu praticalingua - Carrughju Sant'Ànghjuli - praticalingua@gmail.com - 07 88 16 51 35

PRUDUZZIONE ADERENTI

Amparà ghjè praticà

STORIA DI CORSICA - PERSUNAGI : 1909, Vincentella Perini detta "Danielle Casanova" - 28/05/2018 | Camille Bronzini

Vincentella Perini hè nata in 1909 in Aiacciu. Dopu à u liceu, và in Parigi à fà una scola di dentista, in u 1927. Diventa militante cumunista è dopu rispunsèvule di l’unione federale di i studianti di a so università. In u 1928, s’impegna incù a giuventù cumunista è scontra à Laurent Casanova...

STORIA DI CORSICA : 1077, a Corsica pisana - 25/05/2018 | Camille Bronzini

In u 1077, unepochi di feudali Corsi sullicitèghjanu à Gregoriu VII (Papa dapoi u 1073) ch'ellu venga à gestisce l’affari di a Còrsica. In una lèttera, u Santu Padre dumanda à i Veschi è à tutti l’omi di Chjesa, ma dinù à i Corsi in generale, d’ubbidisce à Landolf, Vescu Pisanu mandatu in Còrsica....

STORIA DI CORSICA : 1077-1284, da Pisa à Ghjènuva - 25/05/2018 | Odette Bronzini

Da u sèculu VII à u sèculu XI, Bàrbari è Sarracini occupàvanu e coste corse. In sti tempi d'insecurità, i Corsi si n'èranu muntagnati. U Papa Gregoriu VII misse fine à stu perìudu di viulenza in lu 1077, dendu a cura di a Còrsica à u Vescu di Pisa.   A làscita di stu perìudu pisanu hè...

STORIA DI CORSICA : 1352, I Ghjuvannali - 25/05/2018 | Guillaume Bronzini

In Càrbini, in l’annu 1352, seguitèndu l’idee d’un frate franciscanu chjamatu Ghjuvanni Martini, una centinaia d’omi è di donne fàcenu nasce una mossa religiosa è pulìtica. Sò chjamati « i Ghjuvannali ».   Ùn accèttanu più l’auturità di Vescu d’Aleria nè quella di i Signori. Ùn vòlenu più...

STORIA DI CORSICA : 1729, a rivolta di Bustànicu - 25/05/2018 | Ghjuvampàulu Casta

Simu à u sèculu XVIII. A cusì detta « Serenìssima » è traputente Repùblica di Ghjènuva principia à cunnosce difficultà finanziarie. Cum'ellu hè spessu u casu, tandu, crèscenu l'impòsiti è à tempu u scuntentu di a pupulazione À st’èpica, a Ghjustizia Ghjenuvese era venale, cun trè soldi si...

STORIA DI CORSICA : 1755, l'indipendenza di a Corsica - 25/05/2018 | Florence Savelli

Da 1755 à 1769, a Còrsica cunnosce un perìudu d'indipendenza sottu à u Generalatu di Pasquale Paoli • U cuntestu di guerra In lu 1729, tandu chì u Reame di Còrsica hè sfruttatu cum’una culunìa da a Repùblica di Ghjènuva, schjatta a guerra d’indipendenza. Malgradu e cuncessione di Ghjènuva nant’a...

STORIA DI CORSICA : 1767, a presa di Capraia - 28/05/2018 | Ghjuvampàulu Casta

Di ghjennaghju di u 1767, una barca capicursina vista in perìculu finisce per esse ricuperata in Capraia.   Paulu Mattei s'accorge tandu chì Capraiesi pàrlanu u corsu, ch'elli sò à currente di a mossa Paulista in Corsica, è ampara chì una manata di suldati si tròvanu in a citatella di l'ìsula....

STORIA DI CORSICA : 1768, u trattatu di Versailles - 25/05/2018 | Odette Bronzini

À u principiu di u 18èsimu sèculu, Ghjenuvesi èranu sempre maestri di a Còrsica . Di nuvembre 1755, P. Paoli piglia u capu di una mossa patriotta : face vutà una custituzione, custituisce una marina di guerra cù una quindicina di battelli purtendu a bandera cù a testa mora, face ancu sbatte...
1 2 3 4 5 » ... 9



QUALE SIMU ?

Praticalingua hè di più chè un locu induve si ampara u corsu. Pudete seguità una furmazione di lingua corsa o in lingua corsa (segondu l’attelli) ma, al di là, ci truvate a ghjente, ci tuccate un bichjeru o ci biite un caffè in un spaziu assestatu apposta. Pudete vene dinù à prufittà di un spaziu bibbiuteca. Hè un locu 100% cursòfunu induve vo pudete stà à sente, dumandà rinsignamenti o cunsigli è soprattuttu mèttevi à parlà corsu à u vostru rìtimu. 




QUALE PÒ VENE ?

Ind’è noi, ci vènenu :

Ghjente d’ogni età : ciucci, adulescenti è adulti.

Ghjente chì scòprenu a lingua.

Ghjente chì anu bisognu di ripiglià cunfidenza per parlà corsu è chì ghjùnghjenu per francà u passu è parlà più vulenteri.

Ghjente chì u corsu u pàrlanu benìssimu è chì ghjùnghjenu à amparà affari artìstichi, culturali o patrimuniali è à sparte u so sapè.

Ind’è noi, ci vènenu ghjente chì vòlenu praticà a so lingua è sparte una stonda d’amicizia, o passà da u parlà à u fà !




Induve simu ?

U nostru lucale si trova indè u Cunventu Sant'Ànghjuli, daretu à u Palazzu di Ghjustizia.



Seguìtaci nant'à Twitter

è nant'à Facebook