praticalingua

Associu praticalingua - Carrughju Sant'Ànghjuli - praticalingua@gmail.com - 07 88 16 51 35

SPETACULU DI RESTITUZIONE 2018




Dumènica u 17 di ghjugnu di u 2018, Praticalingua hà presentatu un spetàculu di restituzione di i so attelli, messu in scena da Henri Olmeta è u gruppu di l'attellu TEATRU. U travagliu d'un annu, di i 250 aderenti di l'annata 2017-2018.
600 ore di furmazione, 12 furmadori è un publicu numerosu anu datu à sta ghjurnata, un galbu propiu bellu.


UN SPETACULU DA METTE IN RIALZU U TRAVAGLIU D'UN ANNU

Gilles Simeoni, Presidente di u Cunsigliu Esecutivu, Pierre Savelli, Merre di Bastia è Mattea Lacave, agiunta à a Cultura, Mighele Castellani, deputatu di a circuscrizzione, 250 aderenti è amichi, venuti à sustene a nostra andatura anu pussutu rèndesi contu, in vivu, di u travagliu furnitu durante l'annata da i nostri furmadori è aderenti. Ch'elli ne sìanu quì tutti ringraziati.

ATTELLU GHITARRA & ATTELLU TEATRU

Trà tutti l'attelli chì anu presentatu u so travagliu (LINGUA CORSA, PATRIMONIU BASTIACCIU, STORIA&CULTURA, LITERATURA, SVEGLIU LINGUISTICU, CANTU, PAGHJELLA, GHITARRA), l'aderenti di l'attellu GHITARRA anu accumpagnatu una lettura tearalizata di Pierre-Jean Susini (attellu Teatru).

ATTELLU CANTU

L'attellu di cantu, capitanatu da Ghjuvanfrancescu Mattei è Fanou Torracinta, hà, frà altru, interpretatu a famosa canzona di Canta u Populu Corsu, "Viaghji".
Felicitazioni à e nostre tercane di u cantu nustrale !

ATTELLU PAGHJELLA

L'attellu PAGHJELLA, di Lurenzu Filippi hà interpretatu duie belle paghjelle. Omi è donne à buleghju, perchè a nostra cultura hè di tutti è tutte !



Ind'a listessa rubricca
< >

Sàbatu u 22 di Ghjugnu 2019 - 11:29 Participazione à a festa di u Carrughju Drittu in Bastia




QUALE SIMU ?

Praticalingua hè di più chè un locu induve si ampara u corsu. Pudete seguità una furmazione di lingua corsa o in lingua corsa (segondu l’attelli) ma, al di là, ci truvate a ghjente, ci tuccate un bichjeru o ci biite un caffè in un spaziu assestatu apposta. Pudete vene dinù à prufittà di un spaziu bibbiuteca. Hè un locu 100% cursòfunu induve vo pudete stà à sente, dumandà rinsignamenti o cunsigli è soprattuttu mèttevi à parlà corsu à u vostru rìtimu. 




QUALE PÒ VENE ?

Ind’è noi, ci vènenu :

Ghjente d’ogni età : ciucci, adulescenti è adulti.

Ghjente chì scòprenu a lingua.

Ghjente chì anu bisognu di ripiglià cunfidenza per parlà corsu è chì ghjùnghjenu per francà u passu è parlà più vulenteri.

Ghjente chì u corsu u pàrlanu benìssimu è chì ghjùnghjenu à amparà affari artìstichi, culturali o patrimuniali è à sparte u so sapè.

Ind’è noi, ci vènenu ghjente chì vòlenu praticà a so lingua è sparte una stonda d’amicizia, o passà da u parlà à u fà !




Induve simu ?

U nostru lucale si trova indè u Cunventu Sant'Ànghjuli, daretu à u Palazzu di Ghjustizia.



Seguìtaci nant'à Twitter

è nant'à Facebook