PRATICALINGUA

STORIA DI U MONDU: L'Homo Sapiens



Quattru milioni d’anni fà, apparìa a prima spezia d’Omu nant’a a Terra. Si chjamava l’Homo Habilis.
Fin’à oghje, ci sò state una vintina di spezie d’omi : Homo ergaster, erectus, floresiensis, rudolfensis, rhodesiensis, neanderthalensis, per i più « cunnisciuti », è, infine, l’Homo Sapiens.

Parechje spezie sò campate cun l’homo sapiens ma una trà tutte hè più cunnisciuta chè l’altre : l’Omu di Neandertale. U primu venìa da l’Africa urientale è u segondu di u nordu di u mediterraniu. E duie anu cuabitatu 6000 anni nant’à u u territoriu chì corrisponde à pocu pressu à l’attuale Europa.

À cuntrariu di ciò chè no cridimu, l’Omu di Neandertale era più inteligente chì si pare. I scientìfichi chì travàglianu nantu à stu sugettu anu analizatu a forma di u so craniu, e so creazione è realizazione materiale è anu scupertu chì e so capacità cugnitive èranu vicine à e nostre.

Ma 30.000 anni fà, ùn ci stava chè l’Homo Sapiens nant'à u pianeta.
I paleontologhi anu parechje ipòtesi : a cuncurrenza  di u spaziu vitale, l’inferiurità, u genucidiu, l'epidemia, u clima... ma una hè più curiosa : L’Omu di Neandertale hè in noi, micca cum'ellu era 40.000 anni fà ma i so geni puderèbbenu ritruvassi ind’è pupulazione diverse ind’è u mondu.
 L’Homo Sapiens è l’Homo Neandertale si sarianu rirpudutti inseme. St’ipòtesi hè seria è puderebbe rimette in càusa certi dogmi religiosi o tese pulitiche ind’è u mondu.

Pè a pìccula storia, u nome « Homo » in latinu,venrìa d’una ràdica indoeurupèa chì vole dì « figliolu di a terra ».