PRATICALINGUA

PRUGETTU GIUVENTÙ





A SFIDA

 
Solu 2% di a pupulazione trasmette u corsu di modu naturale, in casa
 
A Scola ci farà à assume sola sola a diffusione di u corsu à prò di i giòvani ?
 
L'insignanti bislingui è i prufessori di corsu seranu abbastanza numerosi per risponde à una strategia di generalizazione d'insignamentu in lingua cora ? A risolza umana ùn mancarà ?

A diffusione di a lingua corsa in iscola ferma chjosa in i so muri è dipende di un caratteru ozziunale 
 
Puderemu truvà suluzioni cullettive à e limite impòsteci da u caràtteru ozziunale di l'amparera di u corsu in u segundariu ?

Ci serà manera di fà esce a lingua corsa da a Scola ? Di falla ghjunghje in campi d'attività novi, piacenti, è cusì, di nurmalizà a so pràtica ?


Fora di a scola, l'offerte d'attività in immersione linguistica sò scarse

Quantu sò l'iniziative chi permetteranu a diffusione di a lingua corsa fora di u sistema sculare ?

Cume si puderà sugerisce è cuncretizà a diffusione di a lingua corsa in l'attività parasculare ?

Ci serà manera di valurizà a cumpetenza lingua corsa, fora di u quatru sculare, per ghjente impegnate cù i giòvani ?



RISPOSTE È SCOPI : FILUSUFIA GENERALE



Da sapè : ci sò 67.000 persone licenziate in i clubs spurtivi di Corsica

Inventemu un mudellu induve u corsu torna à esse arnese di cumunicazione è micca solu un ogettu di studiu.


Da sapè : A dumanda d'attività parasculare in lingua corsa hè forte forte in a pupulazione

Appaghjemu a lingua corsa à l'attività predilette di i giòvani da ligalla à un sintimu di piacè.

Addunimu ingiru à a lingua a giuventù in a so diversità, per facilità l'integrazione di tutti.

Femu più soda un'identità cumuna chì sia una cumpetenza d'avvene.


Da sapè : Ci sò millaie di furmadori chì anu da pudè trasmette a lingua, valurizendu a so cumpetenza

Cuncernemu à tutti in st'operata di sviluppu linguisticu.

Valurizemu i furmadori è interessemu u so impegnu.
 

MEZI È STRATEGIA NANT'À U TERRENU



Prupunimu à u settore privatu di finanzà a furmazione di l'intrenadori è attori di furmazione.

È appaghjemu nant'à stu modu, un intrapresa cumpare cù un club spurtivu.

Da quì à qualch'annu, sta giuventù averà, nant'à u mercatu di u travagliu, a cumpetenza lingua corsa, lingua neolatina, in core à a Romania.

Furmemu i coachs à l'adopru di a lingua corsa in u quatru di e so furmazione è intrenamenti è accumpagnemu a messa in òpera di l'intrenamenti in lingua corsa longu l'annata.

Chjamemu u settore publicu (Culletività di Corsica, Cumunità di Cumune, Merie) à aiutà eppo capitanà l'andatura glubale di a dimarchja è strutturà à a scala di a Corsica sana a multiplicazione di l'iniziative.

Femu nasce un retale di clubs spurtivi cù un'affiliazione induve l'educatori divèntanu attori di a tramandera linguisticà, dopu furmati.

Creemu, sottu à u cuntrollu di a CDC :
un Labellu Club LCC
un Labellu Impresta cumpare LCC
un Livellu di qualificazione LCC per valità a cumpetenza attenuta, via u Certificatu di Lingua Corsa (CLC), per esempiu.